Meu nome é Ana Yaquimenko (completo: Ana Lenochka Yaquimenko Delascio) e formo parte da candidatura do PSdeG – PSOE pola cidade da A Coruña para as eleccións locais a celebrar o próximo 28 de Maio.
Muller, nai de dúas fillas e un fillo, nacín en Montevideo o 15 de febreiro de 1978, descendente de familia rusa e italiana emigrados a principios do século XX a Uruguai. Cando tiña dous meses de idade, a miña familia emigrou a España, primeiro vivindo un ano en Cataluña e despois en Galicia. En Ourense pasei a miña infancia, estudei COU en Santiago de Compostela e aos 18 despraceime á Coruña para cursar os estudos universitarios.
No ano 2002 comezo a impartir actividade física nas Escolas Deportivas Municipais de A Coruña, asumindo posteriormente a súa coordinación, ata a actualidade. Sempre vinculada co deporte e implicada no seu fomento e promoción, asumo a presidencia e xestión do club Ximnasia Coruña no 2006, ata hoxe.
Milito no partido socialista desde fai dezaoito anos. De formación laica, sempre crin en valores como a igualdade, a liberdade ou a solidariedade. Os valores socialistas acompáñanme no meu día a día, e alí onde estou intento contribuír o que poida para que o noso mundo sexa un pouco mellor para todas e todos. Nunca desempeñei ningún cargo institucional pero sí orgánico como Secretaria de Deportes da Agrupación Socialista de A Coruña. Formei parte das listas electorais pola provincia da Coruña nas eleccións autonómicas do 2016 e das europeas do 2019.
